渡海濠情：超齡囡囡有客推舉
英國有名62歲嘅模特兒，因病休息咗二十年後，近日決定重出江湖，但大家咪以為佢人老珠黃，風光不再，原來佢仲保養得好好，同啲年輕模特兒不相伯仲，嚟自龍會嘅靚女珊珊，就話好彩佢喺模特兒界發展啫！
嚇身冷汗
珊珊話：「呢位前輩喺模特兒界發展一定冇問題，但如果佢喺夜場，咁真係唔知點算，你試諗吓，佢已經六十幾歲，但樣子同三十零歲差唔多，客人唔知咪好易中招，遇上年紀稍大嘅男士都好啲，萬一遇上個廿零歲嘅年輕人，簡直係送羊入虎口，諗起都嚇身冷汗，以我嘅性格，一定會話畀個男仔知囉！」阻人搵食你唔怕得罪人咩？珊珊話：「唔講出嚟，好似存心呃人咁樣，個心會好唔舒服o架！」但如果個男仔係都要呢位前輩相陪呢？
說出真相
珊珊話：「咁我都冇佢辦法，記得以前有個前輩，當然冇六十幾歲咁誇張，但都有四張幾，我哋一齊開工，點知真係有個年輕客人揀佢，仲話要同佢出街，當呢個前輩行開咗，我就偷偷話畀個客人聽，佢聽到之後十分感激我，事關佢就係喜歡年紀大嘅囡囡，所以更感無比興奮，唔等大夥兒，自己就同前輩上房盡歡，所以話一樣米養百樣人，年紀大嘅未必冇市場，但擺明呃人，我就一定唔會做囉！」
珊珊Profile
年齡：22歲 三圍：35-24-35
撰文：小德 攝影：阿昌