中環出更：張俊勇搞網台 「不分左右」
網上電台（網台）一直被視為泛民主派動員支持者嘅重要陣地，但近年來亦有建制派陸續染指呢個平台。今次講緊嘅就係中華總商會會董張俊勇（Thomas），佢最近忙於搞緊名為「HKBC Media」嘅網台試播，最令人意想不到嘅，係佢竟然搵咗唔少立場親泛民、以前做過香港人網嘅人加入，莫非Thomas唔怕有人會做「無間道」？
Thomas早前出席活動時透露，新網台唔會有既定立場，歡迎左中右不同政見人士參與，又否認係高薪挖角前人網主持或員工加盟。佢期望新網台最快今年內設立時事台頻道，到時將邀請立法會議員出席節目。
阿靳及「盛女」Bonnie做主持
翻查呢個新網台網頁，的確部分節目主持有一定來頭，最為網民熟悉嘅係網上有一定知名度嘅阿靳，另一個較為人熟悉嘅面孔，就係早前因參加盛女真人秀節目彈出嘅Bonnie，第時究竟仲有無人氣主持加盟，呢個真係要拭目以待喇。
卓妮