冷氣機滴水 途人頻中「頭獎」
天氣持續炎熱，冷氣機滴水問題亦繼續對途人構成滋擾。居於旺角的姚小姐每日外出均取道咸美頓街，因不斷「中頭獎」而向食環署投訴，「望下笪地都知滴得幾嚴重，根本就點都避唔到，唔明點解啲人可以咁冇公德心，係都要逼人去投訴，點知投訴完都冇改善！」
食物環境衞生署發言人表示，去年一月至今共接獲三宗有關上址一帶的冷氣機滴水投訴，接獲本報轉介後亦曾派員巡查，惟期間並未發現滴水情況。發言人強調會繼續跟進個案，倘若發現有冷氣機滴水並造成滋擾，會向相關住戶發出「妨擾事故通知」。
「我日日都經過，啲水仲係咁滴，真係唔明食環署點解會話冇發現，究竟係咪敷衍市民？」姚小姐指政府經常強調「民生無小事」，惟事實卻並不盡然，要求部門身體力行，正視市民投訴，協助解決滴水滋擾問題。