香港男子高爾夫球隊尋日喺全運會擊敗內地勁旅廣東隊，勇奪男子團體賽銀牌，民政事務局局長曾德成當然第一時間出稿祝賀港隊，仲話「感到十分自豪」添！不過，大家咪開心得咁早，以為本地高球運動有希望，原來港隊四名男將中，黑純一同楊慕天兩名球手都係長期旅居美國訓練，經常喺當地球場練波先有今時今日嘅成績。咦？政府一直口口聲聲話港隊成員係靠粉嶺高爾夫球場塊地練波，原來半數球員都有高球會唔去，要飛去美國打。所以今次港隊爭光，粉嶺高球場都唔能夠借機抽水威威，認真失策。
