「雪雪，你喺邊呀？」凌晨時分，在深井一帶伸手不見五指的山路，只見幾支電筒發出的光柱四處掃射，耳邊響起有男有女的叫喊聲。雪雪不是人，而是一隻奶白色唐狗，頸上有「大喇叭」白色頭罩，左前腳有遭索帶勒傷的痕迹，牠上月底於區內走失。正根據線索尋找牠的，是一群義務尋犬人。

James身先士卒沿途開路，兩名女義工緊隨其後。走近一座涼亭時，James忽然停下，「雪雪曾經喺墳場生活過，呢度擺咗啲拜神嘅香，睇吓吸唔吸引到佢嚟？」惟他四處張望，仍不見「雪蹤」，一行人又繼續搜索，「嗰邊有佛堂，可以再去留意吓。」

失犬若有明顯特徵，如雪雪左前腳上的傷痕，尋找會較為容易。

除尋犬外，義工亦協助拯救及收留流浪狗。

過來人網上發起群組

看似經驗豐富的James，原來是「新紮義工」。他坦言「覓雪」技巧與過往工作相關，「以前做同版權有關嘅嘢，會（同政府部門）合作做一啲執法行動，用開行為學嘅思考方式，不過依家係狗嘅行為。」他加入尋犬不久，但見義工們均盡心盡力，令他亦無怨無悔，晚上「通頂」行動至翌日，「返屋企瞓一陣就返工，冇所謂啦，大家都咁有心！」

群組曾助陳寶珠妹妹陳寶儀（圖）尋回失犬。

行動之前，James（白衫者）與義工商討「覓雪」策略。

「有心人」之一，正是曾飽受與愛犬Happy生離之苦的Happy媽。她於去年走失愛犬，在網上開設群組尋狗，不少網民加入搜索，又協助上傳發現Happy的相片，最後終能團聚。其後群組未停止運作，繼續為其他主人尋找走失狗隻，至今已協助找回九隻狗，其中一隻曾走失七十七日，最後成功回到主人懷抱。

「依家群組有九百幾人，成日參與行動嘅義工大約有十個左右。」Happy媽續指，「人手關係，唔可以隻隻（失狗）都搵，我哋會睇番主人有幾緊張，深井呢一帶除咗雪雪，仲有人見過嘉嘉（另一失狗）。」她不停稱讚新加入的James十分落力，但James並不居功，「其實都只係做得幾多得幾多！」他笑說。

收留流浪狗 自費搵獸醫

除了積極尋犬，狗義工亦拯救及收留流浪狗。有義工慨嘆一地難求，狗隻被領養之前，合適的暫養地方買少見少，幸人間有情，來自各方的支援令人感動。

Happy媽指出，流浪狗最常見的是患上皮膚病，例如「烏蠅蟲」，其次是與其他流浪狗爭食時導致的撕裂、咬傷，故牠們獲救後，須得到適當護理，否則後果不堪設想。「好多時，我哋（狗義工）都要自費去搵獸醫。」她續指，部分好心獸醫得悉他們的情況後，會收取較低醫藥費。

得好友及寵物店幫忙

她目前收留數十隻流浪狗，但指找地方安置牠們最為困難，可幸得不少愛狗之人協助，「朋友捐二手寵物用品，又有寵物店啲糧肯賣平啲，簽收全部有單有據，等支持我哋嘅人知道，一切物資都會用嚟幫啲狗。希望多啲人捐嘢嘅同時，亦都希望多啲人領養流浪狗！」

圖：關萬亨、受訪者提供／文：陳偉豪

逢周日刊出

提名熱線:3600 9999

Fax:3600 9900

E-mail:like@on.cc