因為樓市「辣招」而搞到生意大跌嘅多個地產經紀團體，發動抽起報章賣樓廣告一日，希望迫使政府「撤招」。不過，運輸及房屋局局長張炳良尋日就引用《經濟學人》日前嘅調查報道，指香港嘅樓市泡沫狀況，仍喺全球排名第一，不能低估泡沫爆破嘅風險，堅決拒絕「撤招」。佢又話，「撤招」會令人錯誤解讀為政府容許樓價繼續上漲，係違反社會利益，所以拒絕任何讓步，睇嚟張炳良真係企得好硬喎。
