「貪曾」前特首曾蔭權爵士被揭在任時貪盡海陸空、歎盡省港澳，但原來佢對下屬亂使公帑一樣咁鬆手。立法會政府帳目委員會即將發表報告，狠批「貪湯」前廉政專員湯顯明亂使用公帑嘅七宗罪，當中包括多次臨出發外訪前，先至向當時嘅上司「貪曾」提交外訪申請，但一一都獲批核成行。貪曾嘅批核速度，真係拍得住坊間財務公司嘅「特快批核」，仲要免息免還款，而且簡單又快捷，貪曾幾乎合埋雙眼、簽個名，貪湯就可以輕鬆上路，納稅人嘅公帑就咁冤枉使咗去喇。
