探射燈：附近商戶 飽受滋擾

踏入凌晨零時，多名清潔工人已開工，清理遍布蘭桂坊的膠樽、玻璃樽及滿地玻璃碎，一名清潔工坦言很麻煩：「星期五、六晚，啲垃圾比平時多一倍，由十二點掃到朝早六點！」在蘭桂坊附近開花店的Martin也多次目擊非洲漢醉醺醺地怒掟玻璃酒樽，弄至滿地玻璃碎。

蘭桂坊附近便利店的店員也忍不住說：「真係幾麻煩，佢哋（非洲裔）會扮晒嘢，拎酒飲唔畀錢，有啲人飲醉咗仲打爛晒啲酒樽，搞到一地都係玻璃碎，報警都無用，只好自己掃！」

食肆：每月報警逾四次

食肆亦不能幸免，有食肆負責人說：「試過有非洲裔人同南亞裔人飲醉酒喺度打架，個個打到爆晒缸見紅，啲餐枱都畀佢哋撞爆晒！」在蘭桂坊附近一間茶餐廳任部長的陳先生（化名），皺着眉頭向記者大吐苦水。他說每星期都遇到至少四場涉及非華人的打鬥，每個月至少報警四次：「喺酒吧區附近做就預咗遇到麻煩人，不過佢哋咁樣都會阻住做生意，所以我哋通宵更只係安排男同事返工。另外，如果見到有客人有爭執迹象，都會立即請佢哋到店外解決。」