政情：有相為證：黃進達做老襯 派紫色「炸彈」

康泰旅行社總經理黃進達（Jason）將於本月廿六日做老襯，迎娶任職投資銀行嘅女友陳婷婷（Tania）。Jason身邊好友近日已紛紛收到喜帖，喜帖採用紫色，較傳統嘅紅色較為搶眼。咁當日灣仔會展擺酒會場布置又以乜嘢做主題呢？Jason就話，因為自己工作太忙，所以一切婚禮籌備都係交晒畀Tania全權負責喎！不過，有樣嘢佢係可以話畀大家聽，就係經過連串運動，佢已成功減十幾磅，希望喺婚禮上以最佳姿態示人。