探射燈：專家教路：應揀「色鮮無腥味」
懷疑來自病死豬的排骨已經流入深圳，與深圳僅一河之隔的香港，隨時被毒排骨攻陷，港人可以如何防範？有本地豬肉商販及名廚教路，市民可觀察豬肉顏色與氣味辨別是否新鮮，不過加工後的豬肉食品則較難分辨，應小心選購。
豬肉商販馮先生表示，新鮮豬肉表面含油分，較有光澤，顏色較鮮，而死豬的肉呈暗紫色，更會傳出陣陣的肉臭腥味。他又教路：「除咗肉質外，豬皮位置都可以睇到係咪新鮮，要留意豬皮有冇紅斑，如果有紅斑就係唔新鮮。」
加入香精較難分辨
名廚周中則表示，死豬肉的口感缺乏彈性，市民進食時不難分辨。不過，部分黑心商販會將死豬肉加工成香腸等食品，他承認，加入香精後較難分辨。他說：「都係要睇番顏色，要選較鮮色的，顏色暗啞嘅可能有問題。」他又指，在內地購買食品時，最重要光顧有信譽及相熟的店舖，食品質素較有保障。
