政情：八網難逃：天水圍「肥仔」 返學畀人「圍」

特首梁振英（CY）早前出席天水圍地區論壇時，一名十一歲姓鄧嘅肥仔話自己喊完一句「支持梁振英」後就被人打，其後又被網民起底話佢當時都有擲水樽，咁就一擲成名喇！肥仔今年正式升讀中學，據聞佢尋日返學途中有唔少同學搵佢合照，其中一名與佢同校嘅學民思潮蔡同學，就好開心喺社交網站分享咗同肥仔嘅合照，仲留言話原來肥仔去咗佢間學校，梗係要同偶像影相喎。而其他同學都湧晒去搵肥仔影相，仲話肥仔唔惡嘅時候好可愛喎，估唔到肥仔忽然變咗風頭躉。