梁不在座駕上
話說CY一向係坐有特區區徽車牌嘅特首專車出入，落區時不時以政府AM90七人車代步，但尋日我哋收到風，喺早上約十時左右，AM90七人車座駕喺下亞厘畢道一帶遇到交通意外。特首辦發言人接受查詢時證實，該座駕於早上約十時駛回禮賓府閘口位時，遭尾隨車輛撞到，事後已經將有關座駕停用並交予有關方面檢查。據悉當時CY、特首辦主任邱騰華等人都不在座駕之內。
還記得本月初，受囤地風波困擾嘅發展局局長陳茂波曾駕駛掛有「P牌」嘅車輛遇上交通意外，事後需送院接受檢查，呢次CY座駕同樣遇到交通意外，幸好CY非司機亦非乘客，相對而言算係比較幸運喇。