冷氣巴車廂33℃ 熱狗重現

「話就話冷氣巴，點知上咗車仲熱過未上車，啲冷氣好弱，一啲都唔涼！」居於沙田的張女士指，多條往荃灣梨木樹邨巴士線車廂悶熱如焗爐，同行祖母更險中暑，「阿婆話車廂又焗又熱好頭暈，九巴都唔知點搞！」張又指43線及73X亦有同類情況。

下層平均溫度30℃

本報抽查市民所指36、36A、36B、36M、43、46X及73X線共七條巴士線車廂溫度。當日發出酷熱天氣警告，量度結果顯示其中五條巴士線車廂下層溫度均超過攝氏三十度，46X線更達攝氏三十二點九度；其餘兩條巴士線車廂下層溫度亦逾攝氏二十九度。

梨木樹巴士總站溫度為二十八點八度，登車後巴士車廂溫度卻較車廂外高。

放大圖片

記者在梨木樹巴士總站內錄得溫度為攝氏二十八點八度，惟登上36A線巴士後，發現下層車廂的溫度卻達攝氏三十一點四度。環保署發言人表示，該署於○三年發出的《管理空調公共運輸設施內空氣質素專業守則──巴士》專業守則，建議公共巴士空調車廂內的溫度為攝氏二十至二十八度。

酷熱天氣警告生效期間，46X線巴士下層車廂溫度高達三十二點九度。	車廂內冷氣微弱，不時可見乘客搖扇取涼。	乘客點睇：馬小姐 「喺巴士站等車等到成身汗，上到車諗住有冷氣，點知啲冷氣唔涼！」
潘先生 「巴士啲冷氣好唔穩定，有啲好熱，有啲就好凍，九巴應該改善下！」

「焗暈車長大件事」

九巴發言人指出，巴士車廂溫度受途經路段、四季溫度差異、乘客數量、巴士停站時開啟閘門引入車外空氣等因素影響。接獲本報轉介後已抽查上述路線的巴士及測試空調系統，結果顯示絕大部分巴士空調系統均運作正常，而極少部分機件出現故障，已維修妥當。

立法會交通事務委員會議員王國興認為，巴士車廂溫度高不僅影響乘客舒適，更涉及駕駛安全，「唔止乘客覺得唔舒服，焗到車長暈就大件事！」王促九巴經常檢查機件，更建議在車廂設溫度計，方便了解車廂溫度資料。呼吸系統科專科醫生利知行稱，一般室內宜保持二十五點五度至二十六度，若巴士車廂內溫度逾二十八度，會令人感到頭昏腦脹，加上車廂空氣不流通，乘客容易覺得翳焗不適。香港理工大學機械工程學系工程師盧覺強則估計，車廂過熱與雪種不足或機件故障有關。

記者：徐少琴