記者佯裝鳳姐「睇樓」時，自稱裝修工人的胡先生以「教路」口脗向記者表示：「一層（四個單位）由一個人簽約，（一個人）簽得多（租約）無着數o架，法律上可能會犯法。加上租咗（畀人）就同我無關啦，呢啲就係法律罅。」他指，若一個租客承租多間房間，再分租出去，便代表他與租客間有了默契，「變咗我係依靠小姐（妓女）維生。」
「你搵個阿婆、阿嬸嚟簽就最好，拎生果金嗰啲，畀番一千幾百蚊佢，咁就得啦。老人家簽咗（租約），你就係幫佢租，到時有事，老人家可以答點知租客要嚟做乜。」他指，若被警方發現，「你咪話你同男朋友一齊住囉，無問題p架！」
執業大律師陸偉雄指，如業主租出單位予他人作賣淫用途，可能會被控依靠他人賣淫的收入維生，一經定罪，可被判監禁十年，代簽租約人士同樣不能卸責，「阿婆就算話唔知，都唔能夠推得一乾二淨，有證據嘅話，幾方面嘅刑罰都會好重。」