顧客吞雲吐霧 食署「過眼雲煙」
熟食中心違例吸煙情況愈趨猖獗，食物環境衞生署竟繼續「扮盲」撒手不管！本報曾多次踢爆有巿民於食環署轄下不同熟食中心範圍內吸煙，雖面對無數煙民「老虎頭上釘虱乸」，食環署非但未有積極執法，更拒提供檢控數字，遭立法會議員狠斥變相縱容違規行為，要求食環署嚴正執法，還巿民一個無煙環境。
林小姐早前到位於牛頭角綜合大樓內的熟食中心晚餐，用膳期間竟有陣陣煙味撲鼻，赫然發現鄰枱食客正在抽煙。林與親友大感不滿，又不敢貿然出言制止，惜一直未見食環署職員巡查，只能盡快結帳離開，「食環署連自己地方都管唔好，真係會令人好失望！」
食肆職員齊「開餐」
記者曾於晚上實地了解，個多小時內先後目睹約四至五枱食客肆意吸煙。除食客外，不少食肆職員亦邊工作邊吸煙，在場期間未見有職員巡查。
「食環署應該有職員喺熟食中心做嘢，冇理由唔知有人食煙！」觀塘區環境及衞生委員會委員顏汶羽承認，對上址違例吸煙情況有所聽聞，要求當局加強執法及宣傳，以改善情況，「控煙辦的確冇辦法廿四小時搵人喺度，惟有諗辦法，睇下收到投訴後點樣盡快派人到場！」
食環署發言人表示，接獲轉介後曾到場巡察，並未有發現有人違例吸煙。職員已提醒檔戶不得在熟食中心內吸煙，並在熟食中心當眼處張貼海報及告示，提醒檔戶及顧客。發言人又說，過去一年共接獲兩宗投訴，惟未有透露曾否作出檢控，僅稱會加強突擊行動，亦會與控煙辦合作，如發現任何人於街巿範圍內吸煙，可發出一千五百元的定額罰款通知書。
控煙辦發言人則指出，過去一年共接獲十五宗上述地點有人違例吸煙的投訴，共進行二十三次突擊巡查，檢控十名違例吸煙人士。而接獲本報轉介後，控煙辦再到該處突擊巡查，但沒發現違例吸煙。
「檢控數字都唔係咩秘密，點解食環署唔肯公開？係咪心虛？定係佢哋嘅巡查同檢控數字都好低！」立法會食物安全及環境衞生委員會委員張國柱對食環署的處理手法表示質疑，要求作出交代，「記者隨意落去睇吓都見到有人食煙，食環署捉唔到人即係話對呢件事掉以輕心。」張認為違例吸煙情況嚴重與執法不力有關，「如果巡得密啲，食肆都會同啲熟客講，叫佢哋唔好喺度食，相反你習慣咗唔檢控，佢哋梗係放肆啦！」
記者：朱廣華、攝影：林永發