澳洲大選臨近，估唔到澳洲工黨黨魁陸克文為咗協助工黨勝出，連喺香港都賣選舉廣告。最近澳洲工黨租咗中環大會堂附近一塊大廣告板，盡吸居港澳人選票。廣告仲以「A New way」（新路向）為主調，話投該黨就可保就業、穩經濟。
社民連署理主席吳文遠見到呢塊廣告板，即時回想起話自己都做過類似嘅事。話說二○一一年區議會選舉前夕，佢同媽咪齊齊去巴黎旅行時，都不忘影低巴黎鐵塔下有自己嘜頭嘅宣傳海報，但巴黎有幾多香港選民，吳文遠心中有數啦。似乎招數一樣，效果未必相同，唯一優點只係唔使畀廣告費。
（互聯網）
