中環出更：盧偉國遊柏林 坐拿破崙個位
立法會議員盧偉國（WK）早前同太太暢遊歐洲，分別到訪德法兩地，不過佢哋完全係自費嘅，唔係得到國泰航空嘅款待。喺柏林，WK除咗有去柏林圍牆影相外，仲去咗一間歷史悠久嘅餐廳品嘗當地美食。WK引述店主話，餐廳喺一六二一年開業，至今已有接近四百年歷史，又話著名法國政治和軍事家拿破崙都曾經係座上客。
鹹豬手脆如燒肉
WK笑話，佢當時喺餐廳內坐嘅位置，就正正係當年拿破崙最鍾意坐嘅位，置身其中更可以發思古之幽情，想像拿破崙當年馳騁沙場嘅氣勢。雖然WK無問店主拿破崙鍾意食乜，但佢就叫咗一隻該店最拿手嘅烤鹹豬手配酸紫椰菜，話鹹豬手睇嚟皮脆肉滑，咬落去好似燒肉咁可口香脆。佢又大讚成隻鹹豬手只係盛惠十五歐元，可謂非常抵食。
卓妮