通訊事務管理局完成對亞洲電視調查，指主要投資者王征操控亞視，違反發牌條件，又指執行董事盛品儒曾經同王征簽署一份顧問協議書，協議書給予王征好大權力，通訊局主席何沛謙仲形容協議書反映王征同盛品儒有不尋常關係添！其實兩人係堂兄弟關係，但何沛謙就以不尋常關係來形容，唔知仲以為佢哋又有啲乜嘢特別關係添！不過，無論佢哋乜嘢關係都好，通訊局已認為盛品儒已並非管理亞視嘅適當人選，換句話盛品儒執定包袱都得嘞，唔知王征會否覺得連累咗盛品儒呢個堂細佬呢？
