雜物放梯間 消防懶理
雜物堵塞舊樓走火通道，消防處被指執法不力！馮先生居於旺角新填地街唐樓單位，直指常有住客「貪方便」而將大型雜物棄置梯間，擔心一旦發生火警將阻礙逃生。「佢哋費事搬落樓梯，索性擺喺度就算，幾層都係咁，之前大廈先試過火燭，啲人仲係一啲警戒心都冇，消防話就話會跟進，但都唔知跟咗去邊！」
消防處發言人證實，在今年六月曾處理上址發生的一宗一級火警，期間發現四樓至七樓梯間有雜物阻塞情況。發言人表示，職員已多次跟進並尋找負責人，並曾先後兩次向業主立案法團及相關樓層業主發出通知書，要求將雜物移除，目前個案仍在跟進當中。