執法不力 茶客慘食二手煙

室內禁煙條例實施多年，但食環署轄下熟食中心仍然違規者眾。「朝朝九點幾喺度食早餐，都見好多人叼住支煙，我係嚟食嘢，唔係嚟食二手煙！」陳先生經常到深水埗北河街熟食中心「歎茶」，直指不少茶客皆違例吸煙，情況更愈趨嚴重，非吸煙者被迫吸入大量二手煙，卻從未見有控煙辦派員巡查及執法，故此認為當局有縱容違法者之嫌。