政情：公民講場：利益輸送兩把尺 林卓廷嚴人寬「鴿」

廉署前調查主任、民主黨總幹事林卓廷多次到廉政公署舉報行政會議成員同問責官員，好似前行會成員林奮強同發展局局長陳茂波等，舉報時佢懶正義咁話啲公職人員唔應該瓜田李下，要做好避嫌工作。不過，對於其黨友何俊仁、涂謹申近日獲國泰邀請參加「收機遊埠團」，林卓廷就竟然輕描淡寫話要證據證明法國之旅影響議員決定，咁先至算有利益衝突。呢番咁嘅言論遭各界批評佢持雙重標準，明顯包庇黨友。嚴人寬己，莫過於此喇。