巴士缺地台 輪椅客狼狽
現時來往大埔及長沙灣的九巴72號線只有約兩成車輛為超低地台巴士，市民黃先生指現有服務嚴重不足，對長者及輪椅使用者構成不便，「見到啲公公婆婆上車落車都好吃力，坐輪椅嘅又要搵人抬先上到車，搞到好狼狽！」黃曾向九巴反映問題，對方卻以資源不足為由未作跟進，「咁佢憑咩年年加價？」
九巴發言人表示，現時巴士車隊約有七成為超低地台巴士，未來購買的所有新巴士亦會設有超低地台及輪椅斜板等設施，預計至一七年所有巴士將更換成超低地台巴士。發言人又指，分配超低地台巴士在個別路線行走需考慮多個因素。
「始終都係冇回應巿民訴求，仲要等成四年先換晒超低地台巴士，真係好落後！」黃先生坦言對九巴的回應深感失望，直指九巴年年加價，加幅卻與服務質素成反比，要求從速檢討。