政情：公民講場：插到漏氣 放假泵「波」

上任以來是非纏身的發展局局長陳茂波終於可以放長假！尋日佢做完呢個月最後一次「鍵盤戰士」之後，今日起放暑假兩個禮拜，暫別繁重嘅工作抖下氣，到九月初先至復工，至於會唔會去邊度抖暑？佢嘅新聞秘書就話唔知啦，希望「波波」可以藉住今次嘅長假，泵番脹個被插到漏晒氣嘅波啦。舊年七月底上任嘅陳茂波自從出任發展局局長以來一直多災多難，佢終於有得抖下，避暑之餘，順便散下啲黑氣，到九月初先返工，佢嘅網誌亦會一齊「放假」兩個禮拜，到九月八日先復工。