強調與佔中無關
呢個非暴力抗爭訓練課程工作坊有十二期，華民書院今個月初已聯絡各方泛民人士，包括佔中發起人戴耀廷、學民思潮召集人黃之鋒等，希望佢哋可以參加。陶君行強調工作坊同佔中無直接關係，又強調有關課程係唔收錢嘅，絕對無意借佔中發財。
陶君行由大學時代，以至加入民主黨同其後有份成立社民連，一向以激進聞名，由佢主講非暴力抗爭掂唔掂呢？佢強調自己過往的確係激啲，但同佢開班授徒冇衝突喎。佢又話工作坊會由學員輪流飾演警察、挑釁者同示威者，透過角色扮演講解點樣面對警方嘅水炮攻勢、畀警方抬走時應該點做等，呢方面啲經驗佢絕對大把。