政府早前推出壓抑樓市炒賣「辣招」初見成效，令近月樓價升幅放緩，但就換來地產商同地產代理怨聲載道，以不同渠道要求政府「撤招」或「減辣」，並聯同泛民政黨喺立法會提出修訂。不過，長遠房屋策略督導委員會委員蔡涯棉尋日就話，任何辣招都有副作用，擔心如果修訂得太多，可能削弱效果，令「道高一尺，魔高一丈」嘅炒家有機可乘，樓市再度亢奮，形容到啲炒家好似妖魔咁可怕。
