公民講場︰「過街鼠」貪曾 當年多「老友」

特首辦網頁公布處理政治委任官員涉及潛在利益衝突和接受利益及款待嘅新指引，訂明官員嘅「私人利益」定義，包括家人、親屬、私交好友、欠下人情或所屬團體嘅利益，都要申報。不過，政圈中人就質疑好難界定何謂「私交好友」，如果定義唔清晰會好易漏報。其實大家睇吓「貪曾」前特首曾蔭權爵士在任時貪盡海陸空、歎盡省港澳，就知佢有幾多「私交好友」，向佢提供深圳禮賓府、安排乘坐富豪超豪遊艇過澳門遊玩、乘坐富豪私人飛機過日本睇紅葉，仲有送贈各式各類嘅禮物等，睇怕都係私交好友啦。不過，貪曾現已變成過街老鼠，除咗被廉政公署調查，各方「私交好友」見到佢都要兜路走喇。