中環出更：貧童食物匱乏 陳曉鈴改「膳」
東華三院總理兼富商陳有慶孫女陳曉鈴（Stephanie）年紀輕輕，從美國加州卡萊門麥肯納學院修讀經濟及美術畢業後，回港就接掌家族生意，不忘行善回饋社會。年前佢得知日本發起「同營膳」扶貧計劃，隨即引入香港，至今已號召本港二百間食肆加盟，呼籲大眾「食」出愛心。
「同營膳」○七年喺日本發起，Stephanie話，扶貧理念係每人點一份健康餐，食客或食肆老闆便可以捐出兩元，為中國或非洲兒童送上一份溫暖校餐。回想創立之初，逐家食肆敲門游說老闆加入，嘗盡閉門羹，但Stephanie不輕易放棄，打動唔少朋友，叙福樓集團執董黃傑龍都加入做顧問，並號召旗下食肆支持計劃。
為山區校餐添雞蛋蔬菜
Stephanie去年到訪青海及江西探訪受助學校，親睹小學生每天三餐僅得一碗白飯或罐頭鹹菜送飯，心情激動，但喺佢哋計劃協助下，學生每餐至少可以加多隻雞蛋或一點菜。回港後，佢決定加快籌款步伐，期望讓更多有需要嘅人食出幸福、快樂。
卓妮