Party Life：鞍心行善

風景如畫嘅江南勝地浙江，以美景及文人雅士喺歷史聞名，就算做生意嘅人都有「儒商」美譽。匯聚旅港浙江俊賢嘅香港浙江省同鄉會聯合會（浙聯會），早前慶祝成立十五周年暨新一屆理事就職典禮，浙江幫老中青共聚一堂齊歡賀。

另一邊廂，英國威廉王子一索得男，舉國歡騰，小王子出世前，威廉同細佬哈利出席慈善馬球盃，唔少香港名人都專程飛英國參與盛事。而科技日新月異，上太空旅行，唔再係夢想。有太空旅遊服務公司推出「太空遊套餐」，花費近一百六十多萬港元，就可以飛上太空，觀賞地球。上太空咁刺激，名人於是紛紛報定名。

已故教育家陳樹渠兒子陳耀璋（右三）與友人Angela（左三）喝着香檳想像自己到太空遊覽。	太空旅遊恒基地產營業部副總經理鄧鳳賢（右）希望成為首位上太空旅遊嘅香港人，名媛鄭詩韻（左）就期待帶兩個囝囝從太空欣賞地球。	慈善球賽富豪趙世光千金趙式和（左）係馬球賽超級粉絲，太太叫到，老公李承康（右）當然奉陪到英國。
馬球賽緊張又刺激，利邦集團執行董事馮詠儀（左）與已故英國王妃戴安娜外甥女Lady Kitty Spencer（中），及其英國板球明星男友Nick Compton（右）睇到歡呼拍掌。	周年晚宴李德麟（左一）再任浙聯會會長，其父李和聲（右二）及一對子女李惟琤（左二）、李惟宏（右一）三代同堂齊慶賀。（徐家浩攝）	浙聯會榮譽會長包陪慶（右二）活力無限，同副會長車弘健（左二）及青委主席麥超傑（右一）等年輕人打成一片。左一為浙聯會常務副主席詹耀良太太。
唔係浙江人嘅信和集團總經理余漢坤（右），同浙江靚女曹眾（左）及副會長陸雅儀（中）都係浙江省政協，不愁冇話題。