政情：有相為證：絕食七日 長毛肚腩拜拜

五十七歲嘅立法會議員梁國雄（長毛）年紀有番咁上下，雖然一把長頭髮依然瀟灑，但因為中年發福，近年要捧住個大肚腩走來走去。不過，尋日見到長毛突然瘦咗幾個碼，皆因佢去咗撐「倒梁力量」接力絕食咗七日，咁多日只係靠葡萄糖水吊命，差唔多瘦咗成十二磅，佢尋日去廉政公署示威時，仲抽起件衫展示肚皮（圖），證明自己個肚腩消失咗。長毛感慨話，自己絕食咁多日都冇咩人理會，反而瘦咗十幾磅、露少少肉就即刻被記者影相，真係唔知大家想點喎！話時話，其實好多市民都唔知長毛等人絕食係想點啦！