立法會主席曾鈺成喺去年審議「替補機制」時突然剪布，「長毛」梁國雄不服向法庭提出司法覆核，單官司喺原審同上訴均被駁回後，佢再申請終審法院嘅上訴許可昨亦被否決，長毛可能要支付數以百萬計嘅訟費，咁搞法分分鐘破產，一破產就會被褫奪議席。平時腰骨挺直嘅長毛，都開到口希望有心人可以捐錢救濟佢，睇嚟佢目前最想解決唔係政改問題，而係個人財政問題。不過，萬一長毛因破產而被褫奪議席，相信最開心會喺建制派，事關冇人再阻頭阻勢，可能開香檳慶祝都未定。
