立法會議員何俊仁（鐵頭仁）○八至一二年間涉漏報持有一間公司五成股份，有市民就向立法會投訴，質疑鐵頭仁明明每年都以該公司董事身份親身向公司註冊處申報，點解都可以向立法會漏報，批評佢係蓄意隱瞞。立法會議員個人利益監察委員會就投訴進行調查，尋日終於交代結果，原來鐵頭仁同委員會會面時，曾經大條道理話︰「如果你了解我每日簽署幾多份呢類文件，你會知道真係唔容易記得。」鐵頭仁作為專業律師，連自己簽咗啲咩文件都唔記得，真係斷估冇痛苦，佢有幾專業大家心中有數啦！
