政府星期五就擴建打鼓嶺及屯門堆填區撥款申請誓要闖關財委會，環境局副局長陸恭蕙尋日出席一個電視台節目時就話，相信沒有一個議員認為香港唔需要堆填區，希望審議唔使押後，就算要押後都唔代表唔使處理，而只係一種政治姿態。
陸恭蕙又話，有議員指政府過咗海就係神仙，佢就反駁話過咗撥款，工作先真正開始：「有啲議員覺得畀你過咗你咪神仙囉！實在唔係啊，你畀我過咗呢個撥款，我先開始去游過呢條河，所以個工作仲有好多，唔係神仙嚟o架！」
