正喺遮打花園絕食嘅立法會議員陳志全（慢必）前晚喺facebook話自己尿液中驗出尿酮，嚇到唔少網民好擔心，勸佢暫停絕食。
不過佢嘅人民力量黨友星屑醫生歐陽英傑就無咁好氣，叫大家唔好自己嚇自己，仲話佢都未話要驚，唔知大家亂驚咩喎﹗醫生尋日就喺facebook向大家報平安，話經調理後慢必尿液已無尿酮，仲叫大家繼續支持慢必，等慢必撐到星期四喺行政長官答問大會以絕食之軀予特首梁振英迎頭一擊！
