鬍鬚曾最鍾意嘅漫畫人物銀魔Silver Surfer來自Marvel。Silver Surfer造型相當簡約，武器無特別，但人物性格就相當複雜，一度想侵略地球，但後來又忍唔到出手保衞地球。鬍鬚曾話，Silver Surfer呢個悲劇人物面世大半世紀以來雖未致大紅大紫，但係近年仍可有新漫畫和電影推出市場，可見只要角色夠深入民心就得嘞。
無秘技傍身
聽起鬍鬚曾講Silver Surfer嘅人物性格，唔知以為佢喺度感懷身世，因為兩者嘅「襟撈」之道有幾分相似。雖則鬍鬚曾無咩秘技傍身，但明明話唔連任嘅佢，結果又有得撈。究竟鬍鬚曾留下來係想侵略香港定保衞香港？呢個就得佢自己先知嘞。