清潔工扒爐煲湯變燒舖
【本報訊】一名鐘點清潔女工，昨晨到荃灣一間放假的茶餐廳打掃時，疑趁餐廳無人，偷偷借用廚房的扒爐煲湯，惟忘記「睇火」，最終煲乾水引起火警險燒毀餐廳，消防趕抵將火救熄，廚房被燒至熏黑。店東返店了解後怒責女工：「你係咪想燒咗我間舖！」
現場為大涌道一間茶餐廳，逢周日休息，會請來一名姓戴（約五十歲）鐘點女工到店大清潔。昨晨八時許，戴婦如常到餐廳清潔，期間疑趁餐廳無人，打算邊打掃邊煲湯，先將水煲放在扒爐上煲水，擬待水滾後才放湯料，怎料，她忘記「睇火」，水煲被燒至穿窿，爐頭起火冒煙，並燒着油煙槽引起搶火，戴婦自行救火不果，報警求助。消防員接報到場，開喉灌救，迅將火救熄，廚房嚴重熏黑，戴婦幸無被燒傷。警員到場調查，並通知店東返店了解，店東怒火中燒，指摘戴婦一番後將她辭退。
