良景巴士站上蓋滲漏
領匯與房屋署互相卸責，巴士站滲漏問題成燙手山芋！梁先生發現，屯門良景廣場巴士總站上蓋有喉管滲漏多月，有關喉管位於九巴58M線候車處上方，滲水問題對乘客造成不便，亦擔心會孳生蚊蟲，「有乜理由滲足幾個月都冇人理？仲唔知係咩水，係污水咪大件事！」
領匯發言人指涉事喉管並非良景廣場設施，管理處已於早前巡查時發現該喉管滲水，並將個案轉介至屋邨管理公司及政府部門跟進。
不過，良景邨租戶服務辦事處發言人卻指滲漏位置屬領匯管理範圍，已將個案交由領匯跟進。
「其實要搞清楚喉管嘅用家同擁有人唔難，點解咁小事都要互相推卸？」屯門區議員李洪森不滿房署及領匯互相卸責，要求雙方盡快釐清權責並開展維修工程。李又估計，滲漏巴士總站上蓋即為良景廣場，喉管理應由領匯管理，要求領匯仔細了解事件。