減肥都可以發電？事實上真係得嘅。中華電力企業發展總裁莊偉茵（Quince）尋日出席公司一個活動時，就化身「莊老師」向在場學生做咗個示範，佢跳上由中電研發嘅「踏步發電機」，邊踏步邊講解點樣用部機器發電，令同學仔大開眼界。Quince仲自爆以前好有「斤両」，後來都係靠跑步機成功喺兩年內搣甩二十磅，當然仲要加埋均衡飲食啦！不過，佢坦言連續踏步三十分鐘，所產生嘅電力只夠開幾分鐘冷氣，如果用喺智能電話上就可以通話六十分鐘，所以環保發電都唔容易o架！
