中環出更：政府車違泊 久候譚贛蘭

譚贛蘭

停雙黃線禁區十幾分鐘

尋日下午兩點十五分，卓妮發現一架車牌號碼「AM13」嘅政府座駕，停泊於中環皇后大道中萬年大廈對開嘅馬路，車上司機好明顯正在等人，不過等了又等，都仲未有人上車。及至兩點三十五分，司機疑似收到「柯打」，遂將座駕轉右，駛至砵甸乍街。

當時街道兩旁已泊滿汽車，司機見冇位泊車又唔敢離開，惟有將座駕停泊於雙黃線禁區，繼續企喺座駕旁邊靜候指示。又過咗十幾分鐘，一如以往束短髮、打扮斯文嘅譚贛蘭終於出現，佢着住白色長袖西裝褸及百褶裙，左手仲挽住件黑色披肩匆匆跑至，趕快上車。

車牌AM13嘅政府座駕，公然停泊於雙黃線馬路，司機企埋一邊等。(陳嘉順攝)

譚贛蘭（左）匆匆跑來，趕快上車。

好彩部「AM13」無遇警察，否則警察都唔知抄唔抄佢牌好呢？