費事誤會 唔使咁煩 鄭家純寧捐錢

打消原本捐地念頭

鄭家純原構思中的捐地計劃沒有限定目標，只要是有需要人士，不論年輕人、長者、單身人士均可。他指，政府一直表示鬧地荒，故願意幫忙，但「如果政府同社會咁多顧忌，唔捐地了，以為我得到好處，不如直接用錢做善事，捐地咁複雜嘅嘢，不如捐真金白銀，唔使咁煩。」

顯得有點勞氣的他指：「做好事反而被以為有企圖，費事不必要誤會，其實要幫人上車有好多方法，如免息貸款都得o架，要做善事，除咗助人買樓，仲有教育，好多瓣。」他對政府建議私人捐地可與房協洽商有顧忌：「我不同四叔（恒地主席李兆基），我要求（捐出土地的發展）一定要我去做，因為政府去起要七年，我去起就兩、三年起到，房委、房協洽商太花時間。」

指政府改善民生慢

作為梁振英競選時的支持者之一，鄭家純重申：「政府在任，應該支持，人無十全十美，總有錯漏，但我覺得政府在民生方面的工作太慢，設定貧窮線、成立關愛基金根本不足夠，是杯水車薪。」他續指，無論房屋、醫療、貧富懸殊、改善生活環境等全部要錢，本港社會需要一個長遠方案「（梁振英）在任一年，無提出過搞咩嘢。」

至於解決的方法，鄭家純建議政府應該先定出概念，提出大刀闊斧改善民生、生活水平、經濟的計劃，再找人襄助。他表明：「只要有計劃出，對民生有幫助，我同新世界一定會支持。」他又寄語有七千億儲備的特區政府勿變守財奴，必須先解決民生問題，指中央政府不會反對港府用錢搞好民生經濟。