資訊科技界立法會議員莫乃光（Charles）前日參加完民陣七一遊行後，喺社交網站分享佢與公共專業聯盟同業界朋友遊行嘅照片，最奇係佢哋喺相中仲攞住張爭取二○一二雙普選嘅橫額，而且煞有介事話係特登唔改新橫額嘅。Charles就解釋話，雙普選係港府欠落佢哋嘅債，如果政府係咁拖落去，換幾多張橫額都唔掂，為咗環保先至重用舊橫額喎。其實泛民主派早已爭取○七、○八年雙普選，依家佢攞張二○一二年嘅橫額出嚟，究竟係唔記得更新橫額內容而死撐吖？抑或真係專登嘅呢？相信佢哋自己圍內心裏有數喇！
（互聯網）