以棟篤笑形式布道嘅林以諾牧師知名度好高，但佢嘅另一半就好少曝光。前日下午約三點鐘，正當幾十萬人冒住風雨上街怒吼之際，我哋就遇到林以諾同太太十指緊扣現身中環ifc超市，滋油淡定咁拖手仔行街。
我哋見佢哋先行入超市閒逛，然後到一間餐廳醫肚，雖然當時人多，但佢哋等咗五分鐘就可以入座。我哋同林以諾打招呼，林太亦好有禮貌say hello，離開時又講再見。林牧師話，只係去商場行街消磨時間啫。
