「政府唔好害中產就得」
今年初，財政司司長曾俊華一句「我了解中產」，傷盡中產心，近年中產向下流既成事實，得不到政策保障，又要面對高樓價、高通脹壓力。「中產」似離上等人僅一步之遙，但在回歸以來，三任政府無能施政下，中產人士連表面風光也漸漸減退。
「人工一半畀租 一半開銷」
「政府對中產一啲支援都冇，香港根本唔住得人！」任職金融機構的梁先生，月入約三萬元，有一名結交五年、感情要好的女友，生活理應無憂，但原來面對結唔到婚的困擾，「一半人工畀咗租金，另一半用喺日常開支，都係掹掹緊！」由於未能上車，因此不敢貿然結婚。
年約三十歲的Canny在大專院校任職，月入二至三萬元，雖有穩定男友，但仍與家人同住。「最低工資實施後，基層加人工幅度仲多過中產，窮人仲可以拎綜援，中產乜都冇！」她希望政府復建居屋，可讓樓市降溫，更期望政府在處理電力、港鐵等公用事業上不要太被動，「唔好由得佢哋鍾意加價就加價！」
「政府唔好害我哋就得！」驗樓師詹濟南月入數萬元，妻子在家全職照顧兩名孩子，家庭開支多，加上自住的將軍澳夾屋單位尚在供款，一闊三大，「政府想開源，就第一時間搵我哋開刀，交稅交差唔多兩成，但又唔見有咩政策幫過我哋。」他坦言七一會「上街」，告訴政府中產已步入絕路。
香港業主會會長佘慶雲直言，只有自住樓的中產「最淒涼」，面對每年通脹，但政府並無任何支援，只是不斷「開刀」，處事亦雙重標準，同樣的僭建問題，卻只會「放生」高官，激起不少中產上街遊行。