大劉拒談證人冇出庭

巨貪奇案今日續審，被告劉鑾雄昨日中午健步如飛獨自到灣仔午膳，未見其女朋友呂麗君及甘比陪同。臉上未見一絲病容的大劉，聽到記者問「點解又唔出庭呀？」他只顧「抽褲頭」未有回應。歎足兩小時茶，大劉才步出飯堂，對記者問「點睇啲證人唔出庭？」大劉繼續充耳不聞，與秘書衝上座駕離開返抵華置總部，直至下午三時十五分，大劉獨自到中環的一間酒店。

一直稱病拒出庭

身為被告的劉鑾雄，一直以病為由拒絕出庭，令案件審訊拖延了九個月，至上周一法庭接納劉的代表律師申請，批准大劉缺席聆訊。案件前日續審，三名重要證人澳門前運輸工務司司長歐文龍、澳門行政會委員黃如楷及澳門立法會議員崔世昌以不同理由不出庭作供，而出庭作供的澳門仲量聯行前高層盧慶雄對庭上不少提問均以「唔記得」、「冇印象」作回應。