房署執漏累住戶撇雨

居於香港仔鴨脷洲利東邨多年的租戶陳小姐（化名）表示，今年年初購入東茂樓單位，四月中獲房署安排售後翻新工程，包括更換廚房鋁窗，詎料新窗框竟「又歪又斜」，左右高低不一，「閂咗窗都仲有成條罅，前排又黃雨又黑雨，搞到啲雨係咁撇晒入屋！」陳指房署雖曾進行維修，惟未能改善情況，窗框仍然傾斜，關上後更會自動回彈，直言每次關窗皆儼如拔河，早前更因此而弄傷手腕，不滿房署工程質素差劣，堅拒收貨。

未能安裝冷氣機

「房署明知隻窗仲有問題都唔肯叫人嚟整，拖咗我兩個月，真係離譜！」陳怒斥房署一直採取「拖字訣」，由於工程尚未完成，令陳一直未能安裝冷氣機及洗衣機，每晚均需手洗衣服兼「熱到瞓唔到」，丈夫與兒子更需到親友家「暫避」。

當區區議員區諾軒承認曾接獲大量類似投訴個案，狠批房署拖延兩個月仍拒作維修極不合理，「唔單只造成不便，直情係滋擾戶主生活，整得咁差又要再整，如果戶主平日要返工，仲要專登請假等師傅（上門維修）！」區諾軒又說，倘工程於風季來臨前仍未完成，擔心或會發生窗框飛墜意外，後果可大可小，要求房署盡快完成維修工程，並加強監管維修工程用料及施工質素，避免令更多居民受影響。

窗戶無法緊閉，玻璃窗與窗框之間明顯有罅隙。（讀者提供）	鋁窗與框架罅隙上闊下窄，上方罅隙更可「攝入」手機。	由於經常用力關窗，陳小姐指手腕因此而出現勞損。

「手工差量度唔準」

「裝窗裝到歪歪斜斜，可能係手工差量度得唔準、要夾硬塞個窗框入去，亦都可能係隻窗本身係彎嘅！」驗樓師詹濟南解釋，鋁窗窗框單薄，容易彎曲變形，若果將原本有問題的窗框及玻璃窗「拆完又裝」，會加劇鋁窗變形，建議訂購新窗解決問題，「要裝番一啲都唔難，一、兩日一定搞得掂。」

利東邨租戶服務辦事處發言人表示，接獲本報轉介後，維修承辦商已再次到單位檢查及進行評估，並於六月中為有關單位換上新鋁窗及窗框工程。對於被指換窗工程手工差劣及拖延跟進的指摘，發言人則未有回應。

記者：何穎賢