立法會功能界別議員好少開設辦事處，一般依靠工作報告及街上橫額同選民溝通。不過，金融服務界議員張華峰就大吐苦水，話其界別選民大部分都話睇唔到佢嘅橫額，唔知佢做緊乜。後來經調查後得知，原來佢喺中環只得一個橫額位置，最氣憤係另一塊橫額竟然擺到去大埔咁遠，仲要擺正喺大埔警署門口，唔通政府想佢向啲警察匯報工作？所以佢喺中環擺多一兩塊橫額。不過，我哋尋日去大埔警署實地視察，發現佢塊橫額已經被其所屬政團另一塊「放榜打氣PARTY」宣傳橫額遮蓋，但都隱約見到佢個樣嘅。
