政情：今日你上鏡：鼠佔中環

一年一度「鼠戰中環」將於今年十月二十日舉行，置地行政總裁彭耀佳尋日喺活動發布會上向現場嘉賓送上一個既可儲物、又可以當櫈仔坐嘅儲物箱，唔通派定櫈仔畀人坐住嚟佔領中環？彭耀佳一聽到「佔領中環」就耍手擰頭，笑言只談「鼠戰中環」不談「佔領中環」。今年「鼠戰中環」將有八個賽段，各位參賽鼠穿過迷宮、跑吓樓梯擦吓鞋，沿途再鬥智解難，經過埋一條強風隧道，經歷過暴風橫雨洗禮就可以成為一隻成功嘅中環鼠嘞。