劉鑾雄續歎茶懶理審訊
牽涉華人置業主席劉鑾雄及南華足球隊足主羅傑承的澳門巨貪奇案前日正式開審，大劉第四度稱病缺席審訊，但在審訊期間卻高調拖女開餐，昨日大劉繼續健步如飛與女友甘比及女兒現身灣仔歎茶。有澳門時事評論員指，大劉不親自赴澳應訊，嚴重打擊澳門司法權威。直言「（大劉）日日精神奕奕歎茶，我哋都冇佢咁精神﹗」
劉鑾雄昨午約十二時半由保鏢陪同下現身中環太子大廈，其後乘座駕到灣仔會合女友甘比、女兒及甘比的姨甥午膳。大劉依然健步如飛，臉上未見一絲病容。在場記者不斷追問大劉：「有冇唔舒服呀？」「二十四日會唔會去澳門應訊？」他一如以往充耳不聞。歎足逾一小時茶，大劉才拖着女兒離開，繼續不回應記者提問。
「糖尿屬都市病 點會過唔到澳門」
「大劉日日精神奕奕歎茶，唔覺得佢健康有咩大問題，我哋都冇佢咁精神！」澳門時事評論員黃東指，大劉在審訊前後高調拖女飲茶，卻不到澳門出庭應訊，可反映出有人無視澳門司法制度，對澳門司法權威造成極大打擊。他又指，現時醫學發達，港澳交通方便，糖尿病屬於都市病，以大劉日日去歎茶的情況觀之，「點會過唔到嚟？構成唔到佢唔親自應訊嘅理由！」而大劉派女友呂麗君赴澳聽審，相信是要掌握更多庭內資料，預計二十四日的續審大劉照樣不會出席。
涉嫌賄賂歐文龍 案件拖延九個月
華人置業主席劉鑾雄、南華足球隊足主羅傑承涉嫌以二千萬港元賄賂澳門前運輸工務司司長歐文龍，以獲取華置旗下澳門樓盤「御海‧南灣」五幅土地的批給，惟審訊因劉鑾雄三次稱病沒有出庭而多次押後，拖延了九個月，前日第四度在澳門初級法院開審，大劉再以健康為由沒有出庭，獲法官接納後案件才正式開審，劉派出女友呂麗君到庭旁聽。法官預料案件審訊十五日，案件下周一再開庭。