探射燈：館藏文化質素每況愈下

彭志銘批評康文署只選購熱門書籍，令圖書館充斥欠缺深度的書本。

珍貴寶典「畀人丟晒」

「新書熱門書喺書店都買到啦，反而一啲有價值嘅書往往唔見有得借！」彭志銘解釋，港人閱讀多為了取得資訊，惟恐跟朋友沒話題，卻很少人期望在書本中吸取智慧，加上館藏空間有限，圖書館每年均會註銷一定數目書本，職員多選擇保留流行書籍，「一啲珍貴嘅舊書就畀人丟晒！」

對於有人在圖書館用電腦「煲劇」，彭直指是管理出問題，「圖書館供應電腦畀市民，唔係拎嚟娛樂。如果讀者唔自律，館方絕對有權干涉，例如設立規定，等真正有需要嘅人用到電腦設備。」

市民意見 張小姐（中學生）：好少去圖書館睇書，因為平時要溫書準備考試。

陳先生（金融）：平時都係睇公仔書多，唔係唔鍾意睇字，不過返工好忙，冇咁多時間。