探射燈：煲劇歎冷氣 資源遭濫用

「細個會睇吓小說，依家要返工，冇時間讀咁多字，寧願睇漫畫好過！」仍一臉稚氣的明仔、陳龍和古天龍均未滿廿歲，中學畢業的他們已踏入社會工作。分別任職倉務員、金融從業員和髮型學徒的三人，不約而同表示工作忙碌，平日難得看書。「就算放假，都會去行街食嘢，身邊朋友好少睇書，就算睇都係雜誌！」陳龍直指「睇書冇乜用」，反而上網讀新聞可得知時事熱話，去圖書館的次數自然少之又少。

藏書多失缺 欠吸引力

「圖書館有冷氣嘛，一冇嘢做就去睇書，從此養成習慣！」中學生Joby自認是「書蟲」一名，但她稱身邊甚少「書友」，「大家感覺係唔太popular（受歡迎）嘅人先成日去圖書館！」慣常在大埔圖書館借閱小說的Joby，不時發現部分連載小說會突然缺少中間的期數，「問番職員先知有人借咗唔還，圖書館又唔補買番，之後就冇得借！」同行的朋友Katherine更稱甚少到圖書館借書，「我睇英文書多，去圖書館都係用自修室。」

記者巡視部分公共圖書館，亦發現館內資源被濫用，除了有人利用館內電腦「煲電視劇」，一坐就是數小時外，有人亦長期佔用電腦上網傾偈，也有人霸佔圖書館座位邊「歎冷氣」邊睡覺，當值員工「隻眼開隻眼閉」。