法庭:被告落口供:唔係好鍾意阿爸

【本報訊】船務公司男文員涉嫌醉酒弒父案,控方昨於高院傳召在醫院羈留病房替被告落口供的警員作供,警員指被告當時在口供承認「唔係好鍾意阿爸」、「對佢(死者)已經冇乜特別嘅感覺」,但對於死者如何受傷,被告則表示「沒有印象」。

卅九歲被告陳松輝被控去年一月十四日,於黃大仙家中謀殺七十六歲父親陳平光。案發後被告被帶往伊利沙白醫院羈留病房觀察,一月十六日則落口供。被告當時稱他與母親關係很好,但跟死者只屬一般。

前列腺有問題 周圍滴尿

他解釋:「因為佢(死者)年紀大,而且佢嘅前列腺有問題,所以忍唔到尿,經常會將啲尿液滴到周圍都係,阿媽做清潔都會鬧阿爸,佢哋就會因為咁而嘈。另外我阿爸因為有啲舊患,所以佢脾氣唔好!」此外,「佢間中都問我攞錢賭馬賭波,但我唔鍾意佢賭錢。」

被告續指事發時醉酒,只記得曾下過床,見到死者躺臥地上,他用腳踢了死者一下,但對方無反應,自己便回床。之後母親推過他說死者死掉,但他未清醒,直至警察到家,他才被相機閃燈弄醒。辯方盤問警員,指被告落口供時精神未恢復記憶亦不清晰,但警員指不覺被告精神有異。案件編號: HCCC 402/2012

第一手消息請下載on.cc東方互動iPhone/iPad/Android/Windows Phone Apps